|
|
|
|
Logg 2009 – Logg 2008 – Logg 2007 – Logg 2006 Kyrkjeferd til Holmedal – Landmarkjubileet og Dalsfjordveka 2008 I år er det 200 år sidan sorenskrivar Nils Landmark kom til Tysse i Fjaler, og Partslaget vart spurt av jubileumsnemnda om å delta i kyrkjeferda til Holmedal, som skulle vere ein del av jubileumsfeiringa. Sjå meir om jubileet og programmet på www.dalsfjordveka.no. Partslaget tok utfordringa og gav jubileumsnemnda eit tilbod om å stille med jekta og småbåtar – til saman 4 seksringar. I vekene før har vi sjøsett og stelt båtane, m.a. har vi hatt dei liggande med mykje vatn i for trutning og for å unngå oppsprekking i godveret. 3 av seksringane eig Stiftinga Jensbua, ein eig Ove Losnegård. Vi takkar så mykje for lånet! Sundag 3. august 2008 Avgang Jensbua ca 08 30
Veret var skiftande, men regnet som var meldt heldt seg vekke, og etter kvart vart det lettskya med sol. Det var også ein liten trekk frå aust. 8 medroarar vart tekne på ved ”Fruens Havn”, og vi vende stamnane mot Holmedal. Avgang Fruens Hamn ca 09 15 Vi rodde i spreidd orden utover fjorden – om lag halvvegs tok vi båtane saman og hadde kaffipause ilag. Då kom det litt meir trekk ut fjorden, og med klutane til jekta og oselvaren oppe siglde kaffipausen i 1 knops fart mot Holmedal. Her fortalde Haldis Eikerol og Per Nedrebø at dei hadde rodd til kyrkje i Holmedal mange gonger. Ein av gongene var Haldis brur!
Ank. Holmedal, kyrkjevoren 10 30 Flaggborga leidde så folket til gudsteneste i Holmedal kyrkje. Etter preika var det mange aktivitetar i den nye, flotte hamna, servering i bygdehuset og på ”Holken” og rokonkurranse. Her stilte Bakkejekta med to lag, men måtte gje tapt for ein liten og fin nordlandsbåt. Jektelaga kom på andreplass og nest sist – for lite trening!!! Flott dag i Holmedal – tusen takk for oss! Avgang Holmedal ca 16 10 I den fine, labre (flaue?) brisen frå nordvest siglde oselvaren og jekta pent innatt Dalsfjorden. Robåtane hengde seg på jekta. Ank. Jensbua ca 18 00 Takk til Stiftinga Jensbua og Ove for lån av båtar, og til Landmarkjubileet for oppdraget! Loggførar: Tur til Forbundet Kysten sitt landsstemne i Fosnavåg 16. – 21. juli 2008 Vi har lenge gledd oss til å ta jekta til eit landsstemne. Då det var i Kalvåg i 2005, var ikkje jekta ferdig, og seinare har det vore så langt vekke at vi ikkje har våga oss i veg. No hadde vi sjansen med dei om lag 90 mila til Fosnavåg – det skullevere overkommeleg om Stadten er nokolunde velviljug. Planen var å reise måndag 14. – då skulle vi ha god tid, men så kom det meldingar om stiv og sterk kuling, og vi valde å utsetje til onsdag. Då skulle det løye. Vi hadde avtale med ”Penelope” og Steinar Jørs om at han skulle vere følgjebåt og stand by-skip, så vi skulle vere trygge på å kome velberga fram. Onsdag 16. juli 2008
Passerte Trefotskjeret ca. 10 30 Vi siglde og siglde, vi er så vel vande med at vinden stilnar når vi skal ut med jekta, men no var det flott vind oppover heile Frøysjøen. Då vi runda Hornelen, vart det berre roser, så då tok vi slepar frå ”Penelope” vidare ut Skatestraumen og opp Måløysundet. Ank. Raudeberg 18 45 På Starheimsbuda på Raudeberg fekk vi nydeleg fiskesuppe, nubbesild og kaffi av Vågsøy Kystkulturlag – tusen, tusen takk! Vi traff også gjengen frå ”Stokk og stein” og andre hyggjelege folk. Arne L. Osland hadde mønstra på hos Steinar i ”Penelope” – velkomen i mannskapet! Vi køya om bord i ”Penelope”, vel nøgde med den lengste og flottaste seglaset vi har hatt med den nye Bakkejekta! Torsdag 17. juli 2008
Vi fekk ny slepar om bord etter å ha sigla litt – heiv opp segl for å halde oss frå land. Det var svært ubehageleg å slepe i høg sjø, harde rykk som sikkert ikkje gjer jekta godt. Vi bør nok lage eit sterkt slepebeslag i lotet og sikkert også legge inn ei fjøring (bildekk eller liknande) for å dempe belastninga. Etter eit lite stykke med ny slepar i stor sjø og med harde rykk slitna den også. Då var vi like utanfor lykta ved Ervik med mykje straum- og rotesjø. Redningsskøytene ”Emmy Dyvi” og ”Halvdan Grieg” var då like i nærleiken, så heilt ille ute var vi nok ikkje. Dessutan viste Arne og Steinar i ”Penelope” god sjømannskap då dei fekk ombord ny slepar. I mellomtida hadde vi fått opp seglet for å halde oss i frå. Vi vart så slepa til like nord for Stad – der sette vi segl og lensa innover mot Herøyfjorden og Fosnavåg. I byrjinga meir sjø enn vind, etter kvart meir stabilt i 3 – 5 knop innover. Vi siglde mellom alle stakan under brua før Fosnavåg og siglde inn på hamna 17 15 Fantastisk, vi er her!! Fredag 18. juli 2008 Vi hadde stand på flytebryggja ved jekta heile dagen, og selde litt effektar. Anders og Arthur er utmerka seljarar!
På ettermiddagen mønstra Marit Steinsund, Ronald Toppe og Bjarne Akse på som mannskap – hjarteleg velkomne! Arthur grilla medbrakt Jersey-kjøt til eit herleg måltid i jekta, og vi hadde også mannskapsmøte under måltidet. Ove vart vald til høvedsmann også for resten av turen. Laurdag 19. juli 2008 På skippermøtet vart vi valde til å vere med på defileringa kl. 14 00. Vi deltok i fellesfrukost i det store messeteltet kl. 10 00. Etter frukost rigga vi standen og etter kvart gjorde vi oss klare til
defilering
Marit og Stienar (Jørs) på årane framme, Ronald,
Arthur og Anders på årane akter. Ove var høvedsmann.
Vi rodde ut sundet saman med dei andre båtane, og la oss til å vente
på signalet. Etter kvinnevikingskipet ”Embla” rodde
vi inn i vågen att med 100 – 150 m mellomrom. Publikum på begge
sider av sundet helste oss, og vi helste tilbake med seglet. Ove hadde
laga ein liten omtale av Bakkejekta til speaker, og den vart lesen opp
då vi rodde forbi.
Kl. 19 00 var vi med på festmiddag i Herøy Kulturhus, med talar og prisutdeling. Rune og ”Azora” vann kappseglasen, og Bakkejekta vann prisen for beste handverk – gratulerer alle båtbyggjarar, handverkarar og friviljuge som har æra av denne prisen! Les om prisen i ”Firda” her…
Takk for oss, Fosnavåg! Sundag 20. juli 2008 Svak, nordleg vind, skya. Vi tok slepar frå Fosnavåg og
utover Herøyfjorden i 5 – 6 knops fart. Ank. Silda ca. 13 30
Måndag 21. juli 2008
Så mønstra Marit og Ronald av – tusen takk for turen og flott innsats! Avgang Askvoll ca. 19 30 Ank. Jensbua ca. 21 45 Arthur, Bjarne og Ove mønstra av og takka kvarandre hjarteleg for ein historisk tur! Pinglete sunnfjordingar to gonger over Stad på ei veke! Høvedsmannen takkar alle som har gjort turen mogeleg, og til eit flott mannskap som torde vere med! Loggførar og høvedsmann: Losnaspelet 2008 Vi vart spurde i vår om å på nytt vere med i Losnaspelet med Bakkejekta, slik vi var det for to år sidan. Vi set stor pris på å bli spurde og har gledd oss lenge. Mannskap denne gongen var Ove Losnegård (høvedsmann), Anders Pihl og Joakim Janninge. Sjå også www.losnaspelet.no. Fredag 11. juli 2008 Det var stilt på fjorden, så vi batt følgjebåten ”Falken” på sida og kveikte 10 hk Yamahaen. 5,3 knop ut Dalsfjorden i svak vind frå NV. Passerte Lammetunbrua ca. 14 00
Passerte Kraksnova ca. 16 00 Ank. Losna 17 15 Laurdag 12. juli 2008
Om kvelden var det adelsfest med middag og ein flott konsert med nye og gamle losningar (Jørdi, Helge Jordal m.fl.) Joakim sov i jekta med det nytalga seglet over framfor masta. Det gjekk fint, og seglet heldt vatnet bra ute. Joakim såg frisk og fin ut om morgonen – kanskje betre enn dei to i lavvoen?? På infostanden vår selde vi 2 knivar, 1 krus og 2 huer. Sundag 13. juli 2008 Avgang for spelet 13 00
Sundag selde vi 1 krus og 1 skjorte. Avgang frå Losna 15 15 Vi tok slep med ”Penelope”, den fine skøyta til Steinar
Jørs frå Eivindvik. Han slepa oss heilt til innseglinga
til Følsundet, sleppte oss der ca. 17 30 Vi siglde inn Følsundet, påhengsa oss opp Lammetusundet og siglde inn til Flatøyna. Derifrå påhengsa vi oss til Askvoll. Ank. Askvoll ca. 20 15 Vi takkar Losnaspelet, alle kjekke folk på Losna og ikkje minst Erik og Per Daniel for flott helg på Losna! Takk til mannskapet for flott innsats og godt humør! Loggførar: Seglkurs med Bakkejekta 23. – 25. mai
2008 Etter prat og mat bar det til sjøs – vinden var som seg hør og bør når Bakkejekta skal ha seglkurs – altså: Lite vind i fjorden. Men vi heiste segl og fekk trene på segl opp og ned, sortering og namnsetjing av tau osv. Etter kvart fekk vi ørlite vind i seglet og toppfarten vart 2,8 knop – ut fjorden. Så då vart det eit stykke å ro attende, men med mange som delte på årane vart det ein fin tur. Vi kom presis til kai på Jensbua klokka 22 00.
Laurdag 24. mai 2008 Same fine veret! – men lite vind tidleg på dag. Før vi la frå kai, lærte vi om fortøyning og å lage sovetelt om bord av segl og rå. Jostein/Matglede leverte kyllingsalat og brød til nistemat. Avgang Jensbua om lag 10 30. Etter ein liten fotoseanse utanfor Jensbua, segla vi utover Dalsfjorden i slakk nord/nordaustleg vind. Vi hamna i Holmedal i 13-tida – der la vi oss til den nye gjeste-flytebryggja. Eit lite problem her var at bryggja enno ikkje er kobla til land, og det skapte vanskar for dotrengde jektefolk. Då dei endeleg kom seg på land, var det ikkje eit ope toalett å oppdrive. Dette må de få til, Holmedølingar! Etter mat kryssa vi oss utallige og lærerike gonger over Dalsfjorden, og i 17-tida var vi komne på høgd med Boge/Sylvsteinen – då fekk vi hjelp med slep innatt så vi var ved kai att ved Jensbua kl. 18 00. Vellukka og lærerik dag der nye jekteseglarar og litt meir røynde
fekk arbeide saman – til ny lærdom for nokre og til heilt
naudsynt repetisjon for andre!
Dagen starta med nydeleg, varmt, men heilt stille ver. Vi rodde nord i Dalsfjorden og la oss til å vente på vind. I ventetida flekte dei tøffaste av oss av seg kleda og hoppa uti ein vårkald fjord (13 – 14 grader!). Etter kvar kom den melde nordavinden, i dag inn fjorden. Vi segla etter nokre vendingar bort til ei kai ved Eikenes, der vi åt nydeleg pai og salat frå Matglede. Vinden auka på, og vi fekk fin bør til mange stagvendingar før vi segla til kai på Jensbua kl. 16 00. Tusen takk til alle deltakarane for godt lag og flott innsats, til Anders for god kursleiing og instruksjon, og til Matglede for nydeleg mat!! Loggførar: Ove Losnegård
>> Les kva TV 2 skriv om solgangsbris og sjå flotte bilete av Bakkejekta på Dalsfjorden her! >> Her kan du lese Ronalds blogg frå seglkurset
|
Partslaget Bakkejekta Driftsansvarleg Ove Losnegård
|
Vi rodde ut til ”Fruens Hamn” (hamna til sorenskrivargarden/Lillingstonheimen)
for å ta om bord medroarar/-seglarar.
Om lag ved Kleppeneset sleppte vi kvarandre, og segla og rodde vidare
i formasjon (med jekta først) mot Holmedal. Utanfor Holmedal møtte
oss ein liten flåte av robåtar, og ei flaggborg av bunadskledde
møtte oss på kyrkjevoren!
Vi prøvde eit slag for å kome oppover Granesundet, men
her stor han rett imot. Vi påhengsa oss difor opp mot Staveneset.
Fin bør derifrå, logga opp til 6 knop over Stavfjorden – nydeleg!
Litt sjø, men jekta dansa så fint og behageleg at det var
ein fryd! Det stilna litt av nord for Askrova.
Mannskapet på Bakkejekta og ”Penelope” summerte opp
stemnet med noko blanda kjensler. Noko rotete, lite tematisk og svært
spreidd, sjølv om det var rimeleg god bussteneste. Vanskeleg å få oversikt
over båtar og servicetilbod – lite informasjon og skilt.
Festmiddagen var dyr og svara ikkje heilt til forventningane, verken
maten eller talane, medan prisen til Bakkejekta smaka svært godt!
Passerte Hornelen 19 00
Det var opptil liten kuling, og vi logga maksfart på 8,8 knop(!),
i snitt over 6 ifølgje GPS’en. Vi ser at vi må drille
rutiner og kommandoar noko betre, slik at alt går raskare og smidigare
når vinden er stri. Det er vel trening som vantar!
Vi sette segl då vi hadde kome ut Følsundet, og lensa i
fin vind og snitt på 3 knop sør mot Losna. Nokre få dropar,
elles opplett. Anders sjekka eposten sin og Joakim takla tau.
Avgang for generalprøve 10 15
Vi sigla to slag inn mot Lifjorden i frisk nordavind – litt problem
med vendingane (mykje bakk). Men vi siglde inn i posisjon i bra tid og
utatt også. Etter spelet slo vi eit slag innatt mot Lifjorden og
siglde til kai på Losna. Ove og Per Daniel for utatt med Falken
for å ta opp dreggen, men den låg heilt fast, så vi
måtte late den ligge. I mellomtida skulle Anders og Joakim ro jekta
ut frå kaia for å ta slep frå ”Penelope”,
men dei hadde problem med å halde ho oppe i nordavinden. Vi kom
til unnsetning med Falken, og høvedsmannen fekk kjeft etterpå for
uvetige ordrar. Det er slike slag som livet gjev, men lærdomen
må vere at vi må vere 4 på årane i litt vind.
Fredag 23. mai 2008
Vi gler oss til i morgon!
Sundag 25. mai 2008
