|
Aktivitetsplan 2010  –
mai 10
Her kjem første utkast til aktivitets- og sglingsplan for
Bakkejekta sommaren 2010. Mange arrangement og dagar er ikkje klare
enno, så vireknar med at planen blir påfylt og endra
undervegs. Følg med, følg med!
Finn dine arrangement og turar og meld deg på som mannskap!
Skumringsturar
på Dalsfjorden
juli 2009 –
august - 09
I
samarbeid med prosjektet ”Arven frå vikingtida” i
regi av Stiftinga Jensbua har vi i sommar prøve ut kvelds-
og skumringsturar på Dalsfjorden.
.jpg)
Bakkejekta siglar for Den Kulturelle Skulesekken – Februar
09
Sogn og Fjordane Fylkeskommune hadde tinga oss til ny seglas,
etter den vellukka seglasen hausten 2007. I år er det skulane
i Fjaler, Hyllestad og Gulen som ligg i leia.
– sjå logg
og bilete her
Seglingsplan
for sommaren 2009 –
april - 09
Her finn du kvar jekta skal i sommar. Finn din tur eller arrangement
og meld deg på som mannskap!
Vi treng deg! Meld deg til Ove på 97 07 91 39 eller ovelos@online.no
Årsmøte
i Partslaget – April
09
Hei partseigar i Bakkejekta! Du blir med dette kalla
inn til årsmøte
i Partslaget Bakkejekta onsdag 27. mai 2009 kl 19 00. Stad: Holken
i Holmedal. Det blir vanlege årsmøtesaker og orientering
om seglingsplanen i sommar. Fiskesuppe og forfriskingar.
Bakkejekta g år frå Straumsnes kl. 18 00 med retur etter årsmøtet.
Bakkejekta skal til Hyllestad etter årsmøtet – vi
skal sigle med 5.-7. klassingar der dagen etter. Har du lyst å vere
med på nattseglas ut Dalsfjorden og inn Åfjorden vakraste
tida på året? Meld deg på til underteikna!
Hjarteleg velkomen!
For Partslaget Bakkejekta
Ove Losnegård, skrivar
Bakkejekta siglar i Den kulturelle skulesekken! – Februar
09
Siste veka i mai og første veka i juni 2009 siglar Bakkejekta
til skulane i Fjaler, Hyllestad og Gulen. Hausten 2007 var vi hos
skulane i Askvoll og Solund, og vi er svært glade for å kunne
gjere dette igjen! Sjå loggbok for seglasen i 2007 her (link)
. Sjå program for årets
seglas her
Hardanger Båtfestival – i år
skal vi klare det! – Februar
09
I fjor måtte vi gje tapt for synnakulingen, men i år
satsar vi friskt på å nå Norheimsund til helga
19. – 21. juni 2009. Turen vil truleg ta om lag ei veke,
med eit par dagar på kvar side av helga, og kanskje blir
det ei lita flotilje med båtar som fer? Bli med då vel!
Meld deg på til Ove på 97 07 91 39 eller ovelos@online.no
 Sommarloggbok – juli - 08
Dalsfjordveka, mv.,
Forbundet Kysten sitt landsstemne
i Fosnavåg,
Losnaspelet
Vi
kom til Hardanger Båtfestival
- utan jekta! – juni
- 08
Vi kom til Hardanger Båtfestival - utan jekta!
Det vart så dårlege vermeldingar i veka før
festivalen at vi valde å avlyse turen. Kuling motvind begge
vegar er ikkje hyggjeleg. Driftsansvarleg Ove vart så lei
seg for at vi ikkje kom til festivalen, at han lasta informasjon
og jekteprodukt og reiste til Norheimsund med bil. Der stod han
på stand heile helga og fortalde om jekta som ikkje kom.
Mykje fine båtar, folk og mykje interesserte folk, men
lite sal. Hardanger Båtfestival er ikkje først og
fremst ei salsmesse, og det var absolutt noko som mangla når
ikkje jekta var med oss.
Vi må og ta med at jektekar Rune Burdahl var der med sin
nye,sjøllaga, flotte seglar, som han fekk festivalen sin
pris for beste nybygg for. Gratulerer, Rune!
Vi vonar å vere tilbake - med jekt - neste år!
Hardanger Båtfestival finn du her: www.trebaat.no
Årets første
tur – juni
- 08
Bakkejekta skyssa seminardeltakarar
til Holken i Holmedal!
 Seglkurs
på vårvakker Dalsfjord! – mai
- 08
11 kunnskapstørste jekteseglarar samlast til seglkurs i helga
23. - 25. mai. Som vanleg var det nydeleg ver og kanskje litt lite
vind på seglkurset vårt.
Vårens
kjekkaste helg? –
april - 08
Årsmøte I Partslaget Bakkejekta blir halde på Jensbua sundag 4.
mai kl. 18 00. Vanlege årsmøtesaker.Dugnadshelg Laurdag 3. mai
og sundag 4. mai frå kl. 12.
Ta med arbeidskle og ver med på å gjere Bakkejekta klar til Sjøsetjing.Måndag
5. mai frå kl. 20. Vi treng mange hender! Alle velkomne!
Aktivitetskalender
2008 –
mars - 08
Finn det du har lyst å vere med på, og
meld deg på!
Strategimøte
og haustfest 16. november
Styret for Partslaget Bakkejekta inviterer med dette
til strategimøte og haustfest på Jensbua fredag 16.
november 2007. Då er du hjarteleg velkomen til å vere
med på å oppsummere sesongen, drøfte strategi
og satsing framover og nyte god mat og drikke saman med gode
jektevener. Kr. 100.- pr pers.
Påmelding til 91 38 34 59 innan 1. november.
Hjarteleg velkomen!
Beste helsing styret
 Bakkejekta seglar for Den Kulturelle Skulesekken!
Hausten 2007 siglar vi til
skular i Askvoll, Solund og Fjaler. 5. - 7. klassingane får
ro og sigle, smi småjekter
og høyre historia om jektefarten på fjordane og kysten
vår. Vi samarbeider med Helle
Fabrikker,
som har gitt klassesett med gode smiknivar!
Sjå opp, snart kjem jekta til ein skule nær deg!
Her finn du logg frå ferda og her finn du Den
Kulturelle Skulesekken.
 Bytur
med jekta 29. juni – 4. juli 2007 –
juli - 07
Bakkejekta sin første langtur gjekk til Bergen med seglhungrige
og byhungrige sunnfjordingar og sogningar ombord. Nådde vi
byn? Sjå loggen vår her
Seglkurs med Bakkejekta 1.– 3.
juni 2007 –
juni 07
Partslaget har som målsetjing å starte kvar
sesong med kurs i segling av Bakkejekta, og fredag 1. juni samlast
14 nyfikne seglarar saman med instruktør Anders Geertsen.
Anders har segla mange råseglbåtar, både i Roskilde
og i miljøet på Fosen.
Fredagskvelden rigga vi jekta, planla helga og hadde kveldsmat
saman. Etter kveldsmaten hadde vi ein lten segltur på Dalsfjorden, som ein aperitif på helga.
Laurdag
segla og rodde vi ut mot Vårdal og Hellevikja, men
vinden la seg heilt på føremiddagen. Vi rodde litt,
drøsa mykje og nokon av oss bada. Like over middag kom vinden
att, og vi fekk trenga på stagvendingar, kuvendingar og å legge
bi.
Sundag segla vi i fjorden mellom Tysse og Rivedal, og etterkvart
fekk vi bra vind. Meir trening på stagvendingar, og nokre
av oss fekk prøve høvedsmannsrolla. Alle fekk elles
prøve alle funksjonar om bord: Halsar, boline, signat, brasar,
ror, skaut og årar.
Anders instruerte på ein svært god måte, og
vi lærte mykje om segling med råsegl, kommandoar, om
Bakkejekta i sjøen, og ikkje minst lærte folk kvarandre å kjenne.
Og så hadde vi med fantastisk god mat frå Matglede!
Tusen takk!
Deltakarar: Asbjørn Igelkjøn, Oddvar Åsnes,
Judit Bakkebø, Oddvar Gjelsvik, Ragnhild Tveiten, Ove Myklebust,
Jofred Åsnes, Are Morten Follevåg, Jon Kolbeinn Gudmundsson,
Arthur Boge, Einar Pettersen, Anders Pihl og Ove Losnegård.
Og så slikt eit ver!!! Bilete
frå seglkurset finn du her!
Video – feb 07 [ del
1] [ del
2] [ del 3 ] [ del
4 ] [ del 5] [ del
6] [ del 7] [ del
8]
Loggbok –
juli og august 06
Bakkejekta
er i full drift og skal på "alle" arrangement,
festivalar og dagar i Sunnfjord og Ytre Sogn i sommar. Og
vi seglar og seglar..... Vil du vere med? Les
loggboka vår
her......
 Sjøsetting
2006 - sjøsetjing og folkefest! – juni
06
Det var stor folkefest på Jensbua jonsokafta 2006, då Bakkejekta
vart sjøsett. Meir enn 500 menneske hadde møtt fram
for å sjå Bakkejekta møte Dalsfjorden. Dale
Musikkorps, Fure og Våge Songlag, Dalsfjorden Spelemannslag
og Yttafrå var med på å gjere kvelden til ei
flott oppleving.
Jekta glei vakkert og roleg ut, boren av mange jektefolk. Ei stor
stund for alle hoggarar, dugnadsfolk, partseigarar, samarbeidspartar og dalsfjordingar. Styreleiar Marit og jektehoggar Ove takka alle
og for alle fine gåver, og lova stor fest til hausten.
Få augekrokar var tørre då jekta glei ut i sitt
rette element og Ove, Asbjørn, Marit, Bernhard og dei andre
hoppa ombord, skåla med nygla dei hadde fått frå Bergen
Kystlag og gjorde seg klar til sin første rotur. Men først
vart jektehoggar og prosjektleiar Ove lempa på sjøen
av glade jektehoggarar frå Hardanger. Kaldt, men fantastisk!
Festen heldt fram lenge...
Meir om rigging, sjøsetyjing og dåp finn
du her!
7.
byggjeøkt – juni 06
 Fleire bilete
frå bygjesamliing 7 finn du her!
7.
byggjeøkt – juni 06
29.
mai 2006 starta vi 7. og vonleg siste byggjeøkta på den
nye Bakkejekta. Vi har lova henne sjøklar til jonsokafta,
så no var det ingen veg attende! Dei to staute båtbyggjarane
Bjørn Ådne Kvalvik og Bjørn Lingener frå Hardanger
Fartøyvernsenter har saman med Ove Losnegård bygt i
to veker, og som du ser på bileta, har noko skjedd! Tusen,
tusen takk til Bjørn & Bjørn Ådne!
Men vi må ikkje gløyme at dugnadsfolket Oddvar Åsnes, Asbjørn
Igelkjøn, Arthur Boge, Arnulf Åsnes, Bernhard Tysse, Jostein Bakkebø og
Lise Brandal har stilt kvar kveld i denne svært hektiske innspurten.
Vi takkar og bukkar så mykje - utan dei hadde vi aldri fått
dette til!
Klarer vi det eller klarer vi det ikkje? Sjå bileta og døm sjølv!
 Stor
gåve frå Fylkesbanken! – Mai.06
Sparebanken Sogn og Fjordane har gitt ei gåve på kr.
100 000.- til Bakkejekta! Dette er fantastisk og set oss i stand
til å gjere jekta ferdig til sommaren, slik vi har tenkt.
Vi takkar så mykje og lovar å gjere vårt beste
for eit godt samarbeid mellom banken og Bakkejekta framover. Les
meir på banken sine heimesider
Ny byggjesamling - 7. og siste! – Mai.06
29. mai til 2. juni 2006 samlast byggjarane til 7. og siste byggjesamling.
Peter, Bjørn Ådne og ein til frå Hardanger
Fartøyvernsenter kjem og skal saman med Ove Losnegård
og dugnadsfolket byggje veng, leggje settbord, lage årar,
tilfar, keipar og mast.
Kjem du også???
 Seglkurs
April 2006 – April.06
Torsdag 20.april kom John Einar
Hovemoen frå Bergen Kystlag til Jensbua. Ærendet
var at han saman med Dag Rune Økland og Camilla
Blikstad skulle gje oss ei innføring i kunsten å segle
med råsegl.
Aktivitetskalender
2006 – Feb.06
Våren og
sommaren 2006 blir den mest spennande og krevjande i Bakkejekta
si
nyare historie.
Bli med oss på eit krafttak for å kome i mål,
og set av datoane no!
 Fjord
1 Fylkesbaatane kjøper seg opp i Bakkejekta! –
Nov.05
Styret i Fjord 1 Fylkesbaatane har vedteke å kjøpe
10 partar i Bakkejekta, og blir då - saman med Askvoll og
Fjaler kommunar - største partseigar i jekta. Vi er svært
glade for at Fylkesbaatane engasjerer seg i Bakkejekta og kystkulturen,
og takkar så mykje.
Jekteprodukt Kjøp flotte handverksprodukt og støtt
Bakkejekta!
6.
byggjesamling 3. - 7. Oktober 2005
 Denne veka er Bakkejekta ferdig oppborda !!! Etter lange, strie og kjekke dagar
frå tidleg morgon til sein kveld fekk vi på 8. og siste omfaret torsdag
6. oktober kl. 22 00.
Vi
brenn for Bakkejekta!
For å førebu oss på EU-direktiv og vere sjølvhjelpne,
har Partslaget - med brennarane Asbjørn Igeltjøn og
Oddvar Åsnes i spissen - brent to fat med fururøter.
Av desse fata fekk vi omlag 15 liter førsteklasses båttjøre,
og 5-6 liter noko mindre rein hustjøre. Og så har det
vore frykteleg moro - så no kan EU berre kome med det dei vil
- vi er førebudde!!
Blir
du med oss? Pr. sepåtember 2006
er det tinget 274 partar i Bakkejekta! |
Har
du høyrt om Bakkejekta eller Holmedalsjekta? Ho er ei lita
jekt frå Holmedal, 30 fot lang og bygt truleg rundt 1750
av Sjur Vindheim. Du har kanskje sett henne på Kystmuseet
i Florø, der ho no, etter eit langt og omskiftande liv nyt
livskvelden.
På jektekveld
på Jensbua 28.11.2002, der 27 jektekarar og -kvinner frå heile
regionen var samla, vart det bestemt å skipe eit partslag
for Bakkejekta. Partane skal koste kr. 3 000.- pr. stk. og seljast
til interesserte einskildpersonar, institusjonar, bedrifter, lag
og organisasjonar i regionen. 
